KnoT journal

На пути к сердцу

2009-02-19, 01:25

10 ангитай сериал. Эхний 2, сүүлийн 2 ангийг нь л үзсэн ч дундах ангиудыг нь үзэж чадаагүйдээ харамсав
Монгол хэл дээр олдвол, эсвэл дахиж гарвал үзмээр санагдлаа. Уг нь Оросоор ойлгодог бол Оросоор нь үзвэл бүр ч гоё байх. Би уг нь нэг үзсэн киногоо барагтай л бол дахиж үзэх сонирхолгүй л дээ.
Киноны зарим нэгэн хэсэг, мөн тэнд хэлсэн үгс үнэхээр зүрх рүү хатгаад авав. Зохиол нь маш их таалагдлаа. Олон ангит кинонуудыг бараг үзэж байхдаа дараагийн үйл явдлуудыг нь таачихдаг бол энэ кино тийм биш, зураг авалт, өнгө будаг, жүжигчид нь ч сэтгэл татам. Танд таалагдах эсэхийг нь мэдэхгүй юм...

Дургүйцэж байна

2009-02-18, 13:44

Төрийн ажилчдын цалинг багасгаад, үндэсний үйлдвэрлэлээ дарамтлаад, одоо интернетэд цензур тавиад... Та бид ийм ардчилал ийм нийгмийг хүссэн гэж үү? Танд ирээдүй харагдаж байна уу? Удахгүй биднийг цалин мөнгө гэж маргалдаад, энүүгээр амьдралаа яая гэж байх хооронд ардуур маань нөгөө хэдэн толгойг харин ч нэг дураараа ийш тийш нь болгох биз... Ингээд л бухимдаж ядаж байхад энэ ч бас юу ч вэ дээ:

Саяхныг болтол http://ajaxmaa.blogspot.com дээр ajaxmaa нэрээр мобиком, ШУТИС, сонгуулийн ерөнхий хороо, оллоо гэх мэт сайтуудын алдааны тухай нийтлэл бичиж байсан нэг залуу бичлэг бичихээ болилоо гэ...

Надтай бүжиглээч...

2009-02-16, 23:12

Эргэлдэн надтай бүжиглээч
Эрчүүдийн атаархах нүдний өмнүүр
Цав цагаан даашинзтай чамайгаа
Чангаас чанга тэврээд вальс бүжиглэе

Огцом цоглог аянд урья
Омголон бүсгүй минь надтай бүжиглээч
Бусдын нүднээс харамлан гайхуулж
Бэлхүүсээр чинь тэврээд танго бүжиглэе...

Надтай бүжиглээч...

Эзэн чинь баймаар

2009-02-16, 23:00

Болор хундаганд дарс тулгах үдшийг
Босохыг хүсэхгүй эрхлэн хэвтэх өглөөг
Үгүйлж санагалзан яарах өдрийг
Үсийг илбэн, үнэгчлэхийг хараад сэрүүн хэвтэх шөнийг
Үглэн шившин бурхнаас би гуйна...

Би боол чинь бас, эзэн чинь баймаар
Бие сэтгэл бүхнээ ганцхан чамдаа л гинжлүүлмээр
Өөрийг чинь ч бас эзэгнэж
Өөр бусдаас харамлаж,
Хайраараа зүрхийг чинь гинжилчихээд
Хаан чинь, бас боол чинь баймаар...
...

чөтгөр чарладаг...

2009-02-16, 00:29

Чимээгүй гаднаа би инээмсэглэдэг ч
Цээжин дотор чөтгөр чарладаг
Сэтгэлийг нь татаад байгаа тэр залууг нь
Сэрэхгүй ертөнц рүү илгээчихмээр гэж

Хацрыг нь тачаадан харамлахдаа
Хардаж шаналах цээжинд чөтгөр чарладаг
Харж байгаагүй тэр залууг нь алчихмаар
Хайрыг нь булаан эзэмдмээр гэж

Авсанд нь бүгдийг хийчихье гэж
Атгаг хорон чөтгөр дотроос минь чарладаг
Алчихмаар санагдана тэр залууг нь
Алаг нүдний харц над дээр тусахгүй бол гэж

Хардан багтрах сэтгэл адгана
Халууран бачимдаж оволзоно, шатам
Ганц түүнд л гэж шунах чөтгөр
Галзууран дотроос чарлаж байна...

...

My love

2009-02-16, 00:29

Өнөөдөр би жаргалтай байна
Үнэрийг чинь санаад мөрөөдөж сууна
Үсний чинь торгон ширхэг бүхнийг гартаа төсөөлж
Үнсмээр хацрын булбарай арьсыг уруулдаа ургуулж
Өндгөнд мэдрэгдэх зөөлхөн торгоныг мөрөөднө
Үлгэрийн дагина инээмсгэлэл зүрхэнд тодорч
Өхөөрдөм дурлам хоолой сэтгэлийн гүнд эгшиглэнэ...

Мансуурал, гуниглал, жаргал, инээмсгэлэл...
Чи, мөрөөдөл, амьдрал, гэрэл, үүл, харанхуй, зүүд...

An empty street, an empty house
A hole inside my heart
I'm all alone, the rooms are getting smaller...

...

Намар шиг...

2009-02-16, 00:29

Нэрийг нь мэдэх зүсийг нь таних ч танихгүй бүсгүй чи
Нэг мэдэхэд гуниг төрүүлж бодолд оруулна
Хаа нэгтэй чи минь алхаж яваа байх
Хавь ойроо цацруулан гэрэлтүүлж яваа байх
Харин миний энд бүүдгэр манантай л байна
Хаашаа ч гарцгүй хана намайг тойроод
Хааяа хааяахан гуниглаад суудаг болчихож
Намар болоод навчис унах шиг
Надаас чамайг холдон явснаас болоо юм уу
Өөрөө би ингээд сууна гэж мэдээгүй байсан юм
Өнөөдөр чамайг мартчихсан сууна л гэж санасан
Өөр нэгэнд дурлаад дуулж явна гэж бодсон
Үргэлж бодоод санаж дурсах хугацаа ч байгаагүй
Үргэж холдохыг хичээсэн ч чадахгүй нь
...

яв эсвэл ир

2009-02-16, 00:29

Зүүдэнд ирээд байдгаа больчихгүй юм уу та
Зүгээр байлгаж болдоггүй юм уу гэмгүй байхад
Орой үдэш зөвшөөрөлгүй зүүдэнд ирээд байдаг
Одоо чи ер нь хэн юм бэ
Ядаж байхад нимгэн нойтон хувцастай
Ялдам аашилж үсээ дэлгэн эрхлээд
Үүрд ч хамаагүй илбээд баймаар торгон
Үнэр нь согтоож ховсдоод байдаг шидтэн
Үнэгчлэх зүүдэнд ирээд байдаг гүнжтэн минь
Өөрөөс минь жаахан холхон байгаад өгөөч
Үгүй эсвэл үргэлж хамт байгаач
Үүрийн зүүдэнд л ирэх чинь тамлаж байна намайг
Үүл манан дунд төөрчихсөн
Өөрийгөө би олохоо байчихаад байна...

I'm sitting in here in a borring room
It's just another r...

Шинэ сэтгэгдлүүд

HTML5 CSS3 бичлэгт KnoT: Баярллаа. Хэхэ асуудал шийдэгдлээ нтр.
HTML5 CSS3 бичлэгт AmonRa: clearfix navbar-ыг маусаар чиглүүлэхэд, content div нэг пикселээр доошилж байхын....
GuessGame бичлэгт KnoT: хэхэ арайл удаан хугацааны дараа хариу бичлээ хүлцэл өчье...
GuessGame бичлэгт Nerd: Hey ene togloom dre odoo highscore list nemii gevel yag yah ve?
HTML -> Python -> Java бичлэгт KnoT: Баярллаа асуух зүйл гарвал асууж байгаарай. Сонирхсон зүйл байвал мөн асууж байгаарай.
CSS 3 анхны алхам бичлэгт KnoT: баярллаа цаашид ихийг бичиж байх учир орж байгаарай.
Variables (JAVA) бичлэгт KnoT: Тиймээ би энд Java-н талаар бичиж байгаалдаа. Асуух зүйл байвал шууд асууж болноо...
Variables (JAVA) бичлэгт Tuvshuu (зочин): sain bn uu? bi umnugobi oos mendchilj bn.
HTML -> Python -> Java бичлэгт Зочин: Ih dajgui boljee.
CSS 3 анхны алхам бичлэгт SaKu: Дажгүй блог байна шүү андаа..